Журналисттер «панама архивин» АКШ прокуратурасына бербейт

0
210

Иликтөөчү-журналисттердин эл аралык консорциуму салыктарды төлөөдөн баш тартуу жөнүндө кылмыш ишин иликтеп жаткан америкалык прокуратура менен кызматташпайт. Бул жөнүндө бейшембиде Reuters агенттиги кабарлады.

“Панама архивдери” деп аталган журналисттик иликтөө учурунда аныкталган маалыматтарды берүү жөнүндө суроо-талапты журналисттерге Нью-Йорктун федералдык прокуратурасы жөнөткөн.

Аталган өтүнүчкө жооп катары консорциумдун башчысы Жеральд Райл: «Биз прокуратурага жарыялана элек маалыматтарды бербейбиз. Биз — медиа уюмбуз. АКШ Конституциясына киргизилген 1-түзөтүү жана башка укуктук механизмдер бизди укук коргоо органдарынын бир бөлүгүнө айлантуудан коргойт», — деп билдирди.

Журналисттердин колуна панамалык Mossack Fonseca юридикалык фирмасында ачыкталып кеткен 11,5 миллион каржылык документтер тийген. Алар акчаларын офшорлорго каткан жеке адамдар менен уюмдар туурасында маалыматтарды камтыйт. Документтердин басымдуу бөлүгү жарыялана элек.

Эл деми

ОСТАВЬТЕ ОТВЕТ

Please enter your comment!
Please enter your name here

20 + пятнадцать =