Украина менен Молдова чек ара өтмөгүн ачышты

0
143

Украина президенти Петр Порошенко менен Молдованын премьер-министри Павел Филип 17-июлда эки мамлекеттин ортосунда чек ара өтмөгүн ачышты. Өтмөктүн Молдовага караган бөлүгү жикчил Приднестровье республикасына караштуу.

Көзөмөл-өткөрмө бекеттин ачылыш аземинде сөз сүйлөгөн Украина президенти Порошенко Киев Молдованын аймактык бүтүндүгүнүн толугу менен калыбына келишине жардам берүүгө даяр экенин билдирди.

Приднестровье бийлиги Украина менен Молдованын ортосундагы чек ара өтмөгүнүн ачылышын айыптап, муну республиканы экономикалык жактан кысымга алуу катары баалады.

Москва колдоого алган, Украина менен жалпы чек арага ээ Приднестровье – Молдовадан 1990-жылы бөлүнүп чыккан. 1992-жылы Молдова менен жикчилдер ортосунда жаңжал болуп, ага орусиялык аскерлер кийлигишкен. Приднестровьенин көз карандысыздыгын бир дагы мамлекет тааный элек. Аймакта Орусиянын 1200 аскер кызматкери бар. Кишинев бир нече жолу Приднестровьеге эл аралык тынчтык орнотуучу күчтөрдү киргизүүнү сураган.

ОСТАВЬТЕ ОТВЕТ

Please enter your comment!
Please enter your name here

четыре − два =